REUNIÓN COAS FAMILIAS CURSO 20/21

VIDEO SOBRE O USO DA PLATAFORMA WEBEX

 Aquí deixámosvos un vídeo sobre o uso da plataforma Webex, que vos pode interesar para a reunión do martes.

 

Coñecendo a historia da vila

 O pasado luns 19 de outubro visitamos a exposición " Pontedeume, 750 anos construíndo historia" convidados polo Concello e animados pola mensaxe de Güino e o encargo de facer un album ilustrado sobre Pontedeume dentro do proxecto documental deste curso: "Pontedeume, a nosa vila".

A nosa guía foi Silvia que é historiadora e conduciunos con gran amabilidade polas salas da Casa da Cultura, onde está a exposición.

Na 1º sala vimos detalles sobre a fundación da vila en 1270, a carta fundacional, os privilexios e a importancia da ponte, das máis longas de España cando se construiu.

Na segunda sala coñecimos aos Andrade, as súas obras i estirpe; tamén vimos a importancia das Revoltas Irmandiñas e do papel protagonista da nosa vila  nun panel comentaban o papel da muller na historia eumesa que é pouco coñecido xa que a historia eumesa coma outras tantas a escriben os homes e para os homes...

Aprendimos moito sobre a forma da vila, a súa morfoloxía, e os cambios ao longo do tempo. Interesounos moito a muralla, as portas que tiña, por onde ía, o que queda dela...

Na cuarta sala vimos os oficios da nosa vila, o mar, a pel...Onde está o noso cole que había antes, quen foi o Arcebispo Raxoi, quen foi  Couceiro Freijomil e que fixeron...

Mais á saída ao patio aínda nos agardaban dúas grandes sorpresas: o porco bravo e o oso, símbolos dos Andrade pero moi anteriores a eles, da época celta! 

Foi unha visita moi completa e ben guiada por Silvia, moitas grazas!

Pontedeume en 10 furcos

 Vimos de realizar unha actividade para coñecer mellor a nosa vila, que centra o proxecto deste curso. 

Logo de coñecer o luns na visita á exposición polo 750 aniversario de Pontedeume como vila moito da súa historia( Pronto colgaremos os traballos realizados),

hoxe percorremos unha lonxitude aproximada de 10 furcos (1330 m.) cunha xincana na que transformamos o itinerario que moitos e moitas percorremos para ir á escola  nun xogo de 10 probas que nos axudou a coñecer os camiños á escola dentro do proxecto do Concello " Abrindo camiños".

Realizamos probas deportivas, de enxeño, coñecementos, habilidades e outras destrezas. Fixémolas, por seguridade, nos grupos burbulla que xa temos dentro das aulas, e o tempo acompañounos case ata o final.

Foi unha boa mañá ao aire libre coñecendo un pouco máis "Pontedeume, a nosa vila".

Aquí vos deixamos unha videomontaxe para o recordo.

Practica nestas actividades:

Para reforzar o Tema 1 de mates:

Repasamos "O Universo e a Terra":

En Naturais traballamos sobre os seres vivos e a célula:

 Unha actividade e un video  de Castelán:

E para rematar reforzamos a acentuación en galego:

Como vos foi? 

A que é entretido estudar no noso blog???