Brinca Vai! é un libro-cd con doce cancións compostas e interpretadas polo músico Paco Nogueiras. David Pintor elaborou as ilustracións.
"Brinca Vai!, proponnos unha viaxe musical ao longo dos 12 meses do ano, cantando e bailando temas vencellados coa natureza, a amizade, a lingua galega, os xogos populares ou as festas tradicionais.
Para celebrar o Samaín no noso centro, o alumnado de Valores Cívicos e Sociais de sexto realizou os seguintes vídeos da canción " No Samaín" en lingua de signos. Esta actividade foi traballada ao fío dos conceptos de empatía, solidaridade e integración tratados no grupo.
O día 29 de outubro festexamos o Samaín na escola. Achegando caveiras realizadas coa colaboración das familias, lendo ás escuras contos de medo na "Hora de ler", visitando a exposición de caveiras de todos os cursos e a exposición de acrósticos coa temática do outono realizados por todo o alumnado do centro.
Aquí tedes un resumo da actividade nas nosas aulas:
Chegou San Martiño...Festa rachada comendo castañas e xogando ao peón. Magosto e Día do Peón en todo o cole o 11 de novembro.
Ollade unha videomontaxe realizada polos profes das TIC, S
luns, 11 de outubro de 2021
INFORMACIÓN PARA AS FAMILIAS
Complementando a nota enviada nestas datas, colgámosvos esta presentación.
PRESENTACIÓN
Para máis información tedes no seguinte enlace a programación deste curso 21/ 22.
Cantan os meniños xogando á roda, mais agora que xa somos grandes imos contarlle aos máis pequenos e pequenas da escola moitas cousas sobre a estación que estamos a comezar, sobre os seus froitos, as súas festas, etc.
Realizaremos en grupo murais onde poñamos a información máis relevante sobre o outono, o Samaín, o xogo do peón, os cogomelos que están a nacer nos nosos bosques...
Pescudade nestas páxinas que escollimos para vós (Accedede premendo nas ligazóns) ou noutras fontes para facer o voso cartaz. O cartel debe responder ás preguntas que vos fagades sobre o tema que tratedes.
Primeiramente acordade que aspectos ides investigar e logo de repartide o traballo, (importante, ten que participar todo o grupo), pasade ao cartaz aquilo que vexades fundamental e interesante para contestar cada cuestión que vos fagades. Coidade a presentación, letra lexible, con bo tamaño e sen faltas de ortografía, cores atractivas...
Mentres podedes poñer esta música para acompañar o voso traballo:
E como remate desta actividade seguro que atopades un tempiño para xogar ao tempo que comprobamos os nosos coñecementos desta estación.
O SAMAÍN:
Unha das tradicións festivas do outono é o Samaín. Se ides facer o cartaz sobre esta festa para dála a coñecer non teredes que esquecer falar da súa orixe, a tradición en Galicia, é o mesmo que o Halloween ou non, e haberá que saber das cucurbitaceas, non? e de como se converte unha cabaza en caveira...
Logo de ter toda a información pasade a que vos pareza máis relevante ao voso poster sobre esta festa para colgado no corredor e que a todos os que o lean lles quede ben claro que é o SAMAÍN.
OS PEÓNS:
Cada ano na nosa escolacando chega o outonoas nenas e os nenos traedes peonzas para xogar no patio;mais hai un día en que facemos a festa do peón; adoita ser, se o tempo o permite, polo San Martiño, 11 de novembro, día en que tamén facemos o magosto.
Este curso o alumnado de 5º e 6º ides responsabilizarvos de facer posters onde acheguedes información sobre as buxainas: Tipos , como se bailan, distintos nomes do xoguete e tamén nomes das súaspartes, refráns ...
Poñede toda a información que consideredes importante para que tod@s vaiamos á festa do peón ben preparad@s e informad@s. Coidade a presentación!!
OS COGOMELOS:
Completaremos a nosa colección de carteis cun cartaz sobre os cogomelos, xa que agora comeza o tempo de ir ao bosque a collelos, sempre con unha persoa experta.
Imos deixar nesta entrada recursos para reforzar as aprendizaxes dos temas que estamos a tratar na clase:
Naturais:
Esta semana teremos unha charla na que nos han falar entroutros temas da puberdade, do sexo, da reprodución... Nesta ligazón teredes información, xogos, test de autoavaliación, etc.
Nas nosa clase o 7 e 8 de outubro tivemos OBRADOIROS DE SEXUALIDADE EN IGUALDADE impartidos por sabela Maceira do gabinete da sexóloga Martina González Veiga. Traballamos a comunicación asertiva, a posta de límites e a negociación para garantir as relacións desexadas libres de coacción e violencia. A educación sexual comeza dende a infancia e ten que ver con aspectos tan importantes como a autoestima, os afectos, as relaccións que se establecen cos demais, o xénero, a diversidade sexual, o pracer...
