Graduación!

 Ben está o que ben acaba! Feliz verán e que a sorte vos atope traballando na ESO!

Aquí quedan as vosas últimas videomontaxes do paso polo Couceiro:

Rematando Primaria!!!

 Xa estamos ben preto do verán e das vacacións! 

Por fin a pandemia deixounos saír e mesturarnos, sen tempo non era!!

E despedímonos do cole con actividades festivas:

Visitamos a exposición da Alameda sobre a Casa de Rosalía:

Recibíronnos no IES "Breamo":

Fixemos piragüismo co "Firrete":

 E marchamos de excursión: 

Participamos no V Encontro de Castelos de Area: 

Aquí están un montón de fotos para o recordo destes días tan intensos, e aínda queda o momento da despedida...

 Co fin de curso chegan sempre as recomendacións lectoras: Güino e o  equipo da biblioteca escolleron as recomendacións para ler na praia, os días de choiva e sempre, sempre anter de adormecer! 

Podedes botarlles un ollo na nosa biblioteca e logo escoller algún para  ler no verán!

No último documento poderedes atopar máis información se premedes nas imaxes das portadas dos libros.

E xa saiu do prelo a nosa revista escolar "Abrente". Premede na imaxe para podela ler toda e mirar as nosas páxinas en familia.

Agora só queda esperar polas notas e pola graduación do mércores! 

Benvido Timur! добро пожаловать Тимур!

 Hoxe chega ao noso cole Timur, el vén de Ucraina. 

Сегодня к нам в школу приезжает Тимур, он из Украины.

 

Nós vivimos ao noroeste de España, en Galicia. Timur vivía en Ucraina, no leste.

Мы живем на северо-западе Испании, в Галисии. Тимур жил на востоке Украины.

Este é o mapa de Ucraína e o de Galicia. Imos ensinarlle a Timur onde está Pontedeume, el indicaranos onde está a súa cidade no mapa de Ucraina.

Это карта Украины и Галиции. Давайте покажем Тимуру, где находится Понтедем, он покажет нам, где его город на карте Украины.

Vén a pasar os últimos días do curso.

Проходят последние дни курса.

Mañá virás con nós a facer piragüismo.

Завтра ты поедешь с нами на каноэ.

Hoxe iremos ao centro da vila a ver unha exposición sobre Rosalía de Castro, a máis grande das escritoras galegas. Así poderás coñecer un pouco de Pontedeume e a todos nós.

Сегодня мы отправимся в центр города, чтобы увидеть выставку Розалии де Кастро, величайшей из галисийских писательниц. Таким образом, вы сможете немного узнать о Понтедеме и обо всех нас.

Desexamos pasar xuntos un bo fin de curso!

Мы с нетерпением ждем отличного конца года вместе!

Exposición Proxecto Documental Integrado " + ARTE"

 Achégase o "Fin de Curso" e , por fin, o protocolo permítenos abrir as portas ás familias.

 Este ano  a actividade das nosas aulas xirou arredor das artes e parte dos produtos finais expoñeranse na entrada do centro. Outras actividades non deixaron pegada gráfica e outras as tedes recollidas neste blog.

LETRAS GALEGAS

Un ano máis o alumnado de sexto preséntanos ao persoeiro ao que se lle adican as Letras Galegas: Florencio Manuel Delgado Gurriarán.

Achegáronos este vídeo sobre a súa vida e obra realizado polo CEIP  de Seixalbo que vale para todo o alumnado dende os máis pequerrechos ata á rapazada de sexto.

 No "Xardín do Pasatempo" realizamos estoutro para aqueles que queiran saber máis da vida e obra do autor.

 

Como este curso estamos a traballar na arte dende o PDI, as nenas e nenos de sexto centráronse  na súa obra lírica  recitando oito poemas seleccionados de tres das súas obras máis representativas.

Este ano, pandemia obriga, a presentación non pode ser presencial, polo que gravaron esta videomontaxe cunha pequena análise e o recitado da escolma poética de Florencio M. Delgado Gurriarán.

Agardamos que vos guste!

 actividade pistas

Ollade que ben quedou a nosa versión de TERRA, BAILAMOS TOD@S A UN TEMPO!!!

Día Internacional da Danza

 En 1982, por iniciativa do Comité Internacional de Danza, foi proclamado pola UNESCO o 29 de abril como Día Internacional da Danza. A data escollida corresponde ao  natalicio do bailarín e coreógrafo Jean- Georges  Noverre.

O obxectivo do Día Internacional da Danza é homenaxear á danza como unha disciplina de arte universal e diversa, reunindo a todos os que elixiron esta forma de expresión sen barreiras culturais, políticas e éticas.

 

A danza unha das artes incluída no PDI deste curso e unha arte de dificil acceso nunha vila pequena como a nosa e non podiamos perder a oportunidade que nos brindou a celebración do Día da Danza no veciño concello de Narón.

Desprazamonos ao Pazo de Cultura de Narón para presenciar o espectáculo de danza contemporánea GAIA, nun pase  especial para os colexios  por mor desta conmemoración.

Gaia é un espectáculo onde a voz e a danza nos achegan coñecementos dende unha óptica visual e imaxinativa.

É unha historia en movemento na que a pintura, a música e o audiovisual nos axudan a descubrir a intensidade, o poder e a beleza das características do noso planeta e dos seus tesouros naturais.

É un encontro didáctico co que entender a importancia da interacción entre as persoas e o medio ambiente."

O Pazo estaba cheo de xente miúda que nos pestanexou mentres presenciaban o desenvolvemento da obra. Voltamos encantados! 

Unhas imaxes para o recordo:

O Maio

 Practicade na casa a cantiga para acompañar o noso maio. Cantarémola mentres facemos o venres o maio e tamén os que o domingo vaiamos ao concurso do concello.

                         “ O Maio”

Para facer este maio tivemos que ir a roubar

o fiúncho e máis as flores a casa de Ferradás.

O fiúncho e máis as flores a casa de Ferradás,

para facer este maio tivemos que ir a roubar.

Ai la la la la, ai lalelo ai lalá.

Para facer este maio tivemos que ir a roubar

Aí vén o maio por detrás de San Francisco

Aí vén o maio cargadiño de penisco.

Aí vén o maio pola rúa do convento.

Aí vén o maio de roubar o monumento.

Chegou o día de vivir a festa na escola, trouxemos verde e flores e  seleccionámolos. Entre 5º e 6º fixemos un maio ben grande e bonito. Mentres os outros ciclos facían os seus, tamén marabillosos.

 Ao tempo que fixemos o maio ensaiamos a cantiga para o domingo cantala por toda a vila acompañando o noso maio, mentres lle dicimos ao público: " Dános algo para o Maio?"

Aquí vedes a actividader desta mañá no cole para facer o Maio de 5º e 6º, coa forma cónica tradicional e procurando utilizar plantas autóctonas.

Animádevos a vir o domingo, podedes traer algunha flor para substituir as que estean murchas.

Boa fin de semana e feliz Festa do Maio!

O século XX

 

 Preparamos un  libro de lapelas sobre a arte no século XX.

Para recoller información podedes utilizar o aprendido na saída a A Coruña,  o tema correspondente do libro de texto, documentarvos na biblioteca, na rede de internet ou neste blog.

A estrutura do traballo  será a seguinte:

Na portada:

• Título ( Buscade o voso título e rotuládeo  dun xeito vistoso).
• Índice
• Fontes de información.
• Autores e data

No interior:

• Información xeral S. XX.
• España no S. XX.
• Arquitectura S. XX.
• Antonio Tenreiro, a súa obra.
• Escultura S. XX.
• As esculturas do Xardín de Méndez Núñez.
• Pintura no século XX.
• Téxtiles artísticos.

Ollade este vídeo para coller  ideas sobre a execución do libro de lapelas.

 Procurade  reflectir os  coñecementos sobre o tema dunha maneira clara e  atractiva para transmitirllos ao resto da clase e a todo o  cole na exposición final do PDI.

Día da Árbore

 Co obxectivo de concienciar  sobre a importancia que teñen as árbores para a biodiversidade do planeta e a necesidade de protexer os bosques e superficies arboradas convídannos dende o Concello a participar na súa celebración do Día da Árbore.

Na Praza do Conde axudaremos a plantar Acacias de bola e Salgueiros choróns.

Premede nas imaxes para informarvos sobre estas árbores ornamentais.

 

 

 

 

 

Bonito día, xenial a participación e a organización. Parabéns a Eliseo pola súa explicación tan entretida como didáctica!

Ola poesía, benvida primavera

Hoxe, para conmemorar o Día da Poesía,  presentamos a través do noso blog as poesías elaboradas por vós, nenas e nenos  de sexto.

No primeiro trimestre achegámonos ao século XIX, á pintura  impresionista, ao  seu tratamento da luz e da cor e ás diferentes visións do mundo vexetal con catro autores Monet, Klimt, Pissarro e Sargent e en catro das súas obras: “O almorzo”, “A árbore da vida”, “ Os castiñeiros de Louveciennes” e  “Caravel, lirio e rosa”. 

Logo de realizar unha ficha técnica de cada cadro,  observamos as características da época e coñecer  o autor e a súa obra , estudamos as cores cálidas e frías e as diferentes percepcións dunha mesma realidade variando a cor. A continuación unindo a pintura coa literatura redactamos textos narrativos e textos líricos. 

E que mellor data para dar a coñecer as vosas rimas que o Día da Poesía!!

Aquí queda a videomontaxe. Os caderniños que recollen o produto final desta actividade estarán na biblioteca para que todos poidamos ver o traballo realizado.

Parabéns!

Na "Hora de ler" hoxe o protagonista será Ramiro Fonte e o libro de poesía que da nome á nosa biblioteca "O Xardín do Pasatempo". Este é o seu único libro dentro da que chamamos literatura infantil e xuvenil. Un libro de poemas concibido para lectores de 10 a 12 anos e que nos fala da súa infancia na nosa vila.

  Se premedes na imaxe saberedes moito máis sobre o contido e a estrutura deste libro grazas a un artigo na revista eumesa "Cátedra".

Na "Hora de ler" ademais de escoitar varios poemás deste libro na voz das titoras, hoxe queremos presentarvos estoutro que Ramiro escribiu  sobre os nenos europeos que viviron nas posguerras do século pasado e que agora está tristemente de actualidad.

Os nenos de Europa

Estes nenos que xogan ó balón

Xunto ás mortas ruinas dunha casa

Bombardeada;

Alleos á convulsa paisaxe que os circunda,

Ignorantes do que pasou na guerra,

Son os nenos de Europa.

Estes nenos que xulgan, con ledicia,

A perfección do branco trasatlántico

Que aparece no porto,

Porque non saben o que significan

Certas palabras

Como lonxe, decenios ou periplos,

Son os nenos de Europa.

Estes nenos que amosan

As cifras tatuadas nos seus brazos;

Viúvos para sempre da tristura

Porque eles xa cruzaron a fronteira

Das terras habitadas soamente

Polos desesperados, e volveron

Nos lentos trens,

Son os nenos de Europa.

Estes nenos que xogan

Ás escondidas,

Entre as tumbas sen nomes

Dun frío camposanto suburbial

E, cando cae a noite,

Regresan fatigados ás súas casas

E despois se acubillan nun cuarto de madeira

E non queren manchar

A almofada de lágrimas, tamén

Son os nenos de Europa.

Ningún outro país puideron darnos,

Ningún máis verdadeiro

Nin menos doloroso recibimos;

Durmimos e soñamos

Sobre a mesma almofada que eles foron tecendo

Con ese fío escuro dos seus soños.

Tódalas noites

Conciliamos o sono

Sobre o tremor do mundo,

Sobre vellos temores aceptados.

Somos os fillos raros deses nenos.

(1997 "Mínima moralidade"  R. FONTE)

 

Este poema é a historia dunha imaxe tráxica, a que nos proporcionan os nenos de Europa, da Europa dos anos posteriorees á Guerra Civil ou da II Guerra Mundial no pasado século e  que agora fainos pensar cos nenos e nenas de Ucraina.

Téxtiles artísticos

A comezos do vindeiro mes visitaremos na Coruña a Fundación Barrié. A Fundación Barrié trae a España “Téxtiles de artistas”. 

E a nós vennos xenial para seguir profundizando na arte do século XX. A pintura deste século comezámola a ver con Klint, e o modernismo;  e Miró e o surrealismo. Temén viramos a abstracción xeométrica cando fixemos a árbore de nadal.

Para poder visitar esta exposición sobre a ARTE no S. XX imos primeiro a coñecer o contexto histórico destes artistas.

Comecemos por lembrar as etapas da historia, tedes un bo resumo nesta imaxe, moito lembraraos o traballado o curso pasado.

O século XX forma parte da Idade Contemporánea. Centrémonos no século no que viviron os artistas que teñen unha pequena parte da súa obra na exposición. Un tempo convulso e cun gran desenvolvemento económico e cultural a pesares de estar cheo de guerras. Veredes neste vídeo que tempo tan frenético!

E este  da historia de España no mesmo tempo:

 

 

Agora unha visión da pintura do XX desde o impresionismo que xa coñecemos:

 

 

Observaremos a relación entre a  pintura e a moda, visitando esta mostra que chega por primeira vez ao noso país.

Aquí vos deixamos información achegada dende as páxinas dos xornais e da fundación. Se premedes nas ligazóns poderedes informarvos sobre os movementos artísticos e sobre os pintores que imos coñecer nesta visita.

A exposición ofrece un percorrido por a historia da arte do século  XX a través de exclusivos tecidos deseñador por Picasso, Miró, Sonia  Delaunay, Bárbara  Hepworth, Andy  Warhol, Salvador Dalí,  Henri Matisse ou Alexander  Calder, entre outros. 

Trátase dun total de 113 pezas téxtiles xunto a material documental que presenta unha panorámica de os tecidos de Gran Bretaña, Estados Unidos ou Europa no século  XX. Durante a especial viaxe que se ofrece por este mundo, pódense ver dous vestidos que nunca foran exhibido antes e que foron creados por  Warhol, o máximo expoñente do pop art. Foron descubertos por coleccionistas e o seu colorido estampado está inspirado nos xeados de a xeadería  Serendipity de Nova York.

Achegarannos a  través de tecidos deseñados por artistas de primeira liña, aos principais movementos artísticos:  fauvismo, cubismo, abstracción, surrealismo e pop art. 

Mediante o uso de recursos tecnolóxicos como a Realidade Aumentada ( RA) os participantes poderemos explorar a exposición de maneira distinta e gozar dun proceso de aprendizaxe interactiva enriquecedora. 

Grazas ao uso das tecnoloxías poderemos utilizar a nosa capacidade creativa para  interpretar as diferentes obras. Así mesmo, analizar e coñecer a través dos tecidos diferentes movementos artísticos da historia da arte do século  XX como o Modernismo, o Surrealismo ou o Pop Art. 

Aproveitaremos esta visita para observar unha escultura de Asorey. Entre os escultores do século XX galego destaca Asorey pola influencia que tivo entre os seus contemporáneos e entre creadores posteriores Francisco Asorey. O artista nado en Cambados o 4 de marzo de 1889 e falecido en Compostela en 1961 (os seus restos repousan no Panteón de Galegos Ilustres) está considerado como un dos creadores que máis importancia tiveron na renovación da escultura española no século  XX. Ademais, deixounos un importante legado artístico que nos permite seguir a súa pegada por boa parte de Galicia e descubrir a un bo puñado de personalidades.

Veremos o Monumento a Curros Enriquez. Curros  foi un poeta e xornalista galego do século XIX, un dos tres principais representantes do Rexurdimento da literatura galega, xunto a Rosalía de Castro e Eduardo Pondal. Dedicóuselle o Día das Letras Galegas en 1967.

Premede na imaxe para saber máis sobre o monumento.

Tamén verciño ao edificio da Fundación Barrié está o edificio do Banco Pastor, importantísima obra da arquitectura do século XX galego. O seu autor, Antonio Tenreiro ademais estivo moi unido á nosa vila, a súa familia era a propietaria da fábrica de curtidos onde agora está o noso cole.

O Edificio do Banco Pastor é unha construción monumental de 1925 deseñada polos arquitectos Antonio Tenreiro e Peregrín Estellés no Cantón Pequeno da Coruña para sede do Banco Pastor. Foi o edificio máis alto de España ata a construción da sede de Telefónica na Gran Vía de Madrid en 1929.

Entra para saber máis!

A continuación podes informarte sobre as diferentes estatuas que hai nos xardíns de Méndez Núñez que imos visitar para ver a escultura do século XX e XXI.

Preme na imaxe!

Aquí tedes esta videomontaxe para o recordo dunhas mañás ben aproveitadas. Parabéns!

Andrea Maceiras falounos da "Folla azul"

Vimos de rematar o Club de Lectura co encontro coa escritora do libro que achegounos á selva amazónica, ás súas tribos e aos problemas medioambientais.

Biografía da autora.

 Ao comezo do club informámonos  sobre a autora do libro, Andrea Maceiras, e tamén do que era nos quixo transmitir co seu libro " A folla azul". Ademais tivemos información sobre o ambiente no que se desenvolve a obra, no que nos  mergullamos semana tras semana dende xaneiro ata onte.

Fixemos lectura en alto, repartímonos as personaxes do libro para facer lecturas dramatizadas, reflexionamos sobre o contido, elaboramos as nosas propias ilustracións...E por fin chegamos ao final do libro con opinións enfrontadas sobre o tipo de desenlace escollido pola autora.

Preme e escoita o que nos di a autora sobre o libro.

Como colofón ao club tivemos unha xornada coa autora onde ela aportounos o por que e o como do seu libro e detalles previos á escrita do texto así como a posibilidade dunha segunda parte . Tamén houbo tempo  para compartir as nosas reflexións e preguntarlle as nosas dúbidas.

Deixámosvos imaxes do encontro e conservamos tamén a información previa e máis recente da súa vida e obra.

E o seu último premio, a piques de saír do prelo!

 

Última obra!

 

As máquinas simples e compostas

 Repasamos vendo estes vídeos:

Joan Miró

 O Entroido vístese de ARTE, e xa queda pouco para preparar o noso disfraz!

Dentro do PDI imos centrarnos agora no século XX e achegaremonos a figuras do noso país. Axiña, agora que parece que o COVID nolo permite, sairemos para visitar museos, á volta do Entroido iremos a A Coruña, mentres imos pescudar na rede...

Xa vimos no século XIX o impresionism que é o é un estilo pictórico que se orixina en Francia, na segunda metade do século  XIX. Caracterízase pola súa persistente experimentación coa iluminación . O manexo da luz considérase como un factor crucial para alcanzar beleza e balance na pintura.

No século XX vemos a través de Miró o surrealismo, este  caracterízase por facer representacións do inconsciente, de fantasías e de soños, así como da irracionalidade. Tamén veremos o cubismo, tanto con Miró como con Picasso, Menudo contraste, que cambios dun século ao seguinte, veredes!!!

 Imos comezar con Miró, posto que vai ser o pintor que vai centrar o noso traballo para carnaval.

Unha pequena biografía e unha sinxela análise da súa obra:

Cuento de Miró from Tere Bonet

A súa obra:

Fai click!

Logo de coñecer a Miró escolleremos uns dos seus cadros despois de estudalo dun xeito máis preciso, analizando a súa técnica, a etapa, estilo, a súa cor, etc. farémolo ben grande para que protagonice o noso distraz.

Mural coa análise das cores e elementros na obra de Miró:

Aquí podedes ver o disfrace realizado con 4 pinturas diferentes do autor traballado en sexto. 

 O venres desfilamos polo cole con moita marcha, á volta de vacacións viremos de loito para despedir o Entroido cantando o Xa morreu! detrás do cadaleito na Queima do Antroido.

Día do AMOR e da AMIZADE

 O Día de San Valentín é unha celebración do 14 de febreiro tradicional de países anglosaxóns que se foi implantando noutros países ao longo do século  XX. En todo o mundo coñécese polas mostras de amor e agarimo entre parellas de namorados, pero tamén entre familiares e amigos. Preme na imaxe e verás como se festexa en diferentes países e coñecerás as raíces cristiás da festa.

Neste vídeo verás a orixe da mitoloxía clásica:

Agora que xa sabemos algo máis desta data onde se celebra o amor e a amizade imos facer na clase unha actividade que xa seguro coñecedes o xogo do AMIGO INVISIBLE.  O amigo invisible é un xogo moi popular no que participan varias persoas que se fan agasallos entre si sen saber quen foi o que fixo cada agasallo.

Os amigos secretos enviarán cartas aos seus correspondentes amigos. Nestas cartas expresan o que senten e pensan acerca do seu compañeiro de xogo e á vez comentan sempre algo deles mesmos.

Faremos o sorteo de amigos e durante o venres traballaremos en castelán na redacción de cartas. Logo pasaremolas a unhas tarxetas coas que agasallaremos á nosa amiga ou amigo o luns, 14 de febreiro.

Estas misivas serán para expresar a vosa amizade, atoparedes as palabras que ás veces nos faltan para escribir esas cartas especiais nesta ligazón. Dedicádelle unhas liñas ao voso amigo ou amiga tomando, se queredes, como referencia as cartas de amizade do enlace anterior ou, directamente, o que vos inspire a amizade dos compañeiros e compañeiras da clase que vos tocaran.

Coidade o vocabulario, a ortografía e a presentación. É un agasallo!

CHEGOU O DÍA!! Que ben feitas todas as cartas e que bonitos agasallos! Gardádeos, serán un bonito recordo para lembrar este San Valentín no futuro!

Aquí vos deixamos unha vídeo montaxe para que poidades reler todas as cartas de amistade coas que celebramos este ano o Día dos Namorados.